作者: admin

【體路專欄】籃球場終於重見天日，但之前一眾職業籃球員及愛好者在「籃球場關閉令」下，不少籃球員及愛好者都前往黃竹坑一間籃球健身訓練場地STRIVE Fitness「朝聖」。筆者早前到該健身場地參觀，除了驚嘆外只有驚嘆。大約3,000呎的地方劃了一個半場籃球場，半場籃球場有3個籃球框，其餘地方則是功能訓練區及健身訓練區，筆者第一個感覺是「Woo，好像置身於NBA球員的訓練基地」。

在前往該場地之前，已經在IG上看到很多創辦人Will Lo為球員設立的特訓，看似相當「簡單」，但事實上他將一個動作拆解到很多部份，要球員不斷不斷地重練，例如訪問那天為東方龍獅球員梁嘉顯設計的訓練餐單，包括單手拍波、雙手拍波、插花、Two Steps左右手挑籃等等，相信大家如有心跟從這訓練餐單，絕對有望成為高手。

過去兩三個月對籃球員是一個頗長的休季期，梁嘉顯為保持狀態，買了啞鈴及橡筋帶方便home workout，亦會到籃球場及公園和朋友一起訓練，「見到有公園有啲槓，就會去做引體上升」！在Will的指導下，近期梁嘉顯亦參考效力NBA球隊拓荒者球星C.J McCollum的後撤步3分，他指出主要學識對方手及腳的探步，然後再配合不同的動作，期望新一季可以將此絕招在實戰中出現。

「玩命！35歲公關Gor挑機20歲職業籃球員梁嘉顯！」

此篇文章由「體路 Sportsroad」最初發表於「【體路專欄】梁嘉顯密密訓練 收納後撤步3分絕招？」

【體路專訊】香港男子沙灘排球代表劉梓浩（Kelvin）在個人Facebook貼文，透露自己癌細胞復發，已經再度入院接受治療，未來會繼續做化療，和多接受一次骨髓移植，與癌症搏鬥。

Kelvin在2018年8月下旬與拍檔王沛林出戰雅加達亞運首場分組賽後感到不適，被逼退賽，他當時返港接受檢驗，發現體內白血球指數出現異常突變，同月底即開始接受治療。劉梓浩在翌年2月獲親姊捐出骨髓進行移植，得以告別臥病在床的日子。

然而，Kelvin體內的癌細胞在上月復發，故他又要入院接受治療。劉梓浩在個人Facebook撰文透露消息，指自己獲親姊捐出骨髓後開心生活1年多，惟因癌細胞復的關係，已再度入院接受治療。Kelvin指未來會做化療，也會接受另一位親姊捐骨髓進行移植。他續指因為新型肺炎的關係未能接受探訪，又謂自己之前曾經有過經驗，期待出院後再和各方好友見面，字裡行間顯得相當積極和樂觀。

劉梓浩和王沛林這對香港男子沙排拍檔的Facebook專頁其後轉載Kelvin的發文，寫上「好多後盾支持我地！！呢場比賽一定贏！！」，鼓勵劉梓浩繼續前行，文末更附上「#祝福」的hashtag，相信是出自王沛林的手筆。劉、王的Facebook貼文僅數小時，即獲得百餘個Like，亦有不少人留言鼓勵Kelvin。

資料來源：劉梓浩 / 王沛林Facebook專頁

此篇文章由「體路 Sportsroad」最初發表於「【沙灘排球】劉梓浩癌細胞復發 再接受化療骨髓移植」

【體路資訊】adidas自2015年起開始與海洋環保團體Parley for the Oceans攜手合作，持續宣揚「END PLASTIC WASTE」訊息；期間推出多款沿用海岸回收的塑膠廢料循環再造的運動服裝和跑鞋，透過實際行動改善海洋污染的問題及喚起外界對海洋保育的環保意識。

為慶祝雙方攜手合作迎來五週年，今月釋出全新UltraBOOST DNA Parley元祖鞋款系列；鞋款以黑，白色作主調，搭配湖水綠色波浪線條點綴鞋面，搭載純白標誌性BOOST  中底，營造別具一格的視覺藝術感。鞋面Primeknit以Parley Ocean Plastic 海岸回收的塑膠廢料構成，以推動adidas可持續發展願景 –「END PLASTIC WASTE」，堅持減塑積極保護海洋生態。

全新adidas Running UltraBOOST DNA Parley鞋款系列於6月29日正式上架，在下列指定門市或於adidas香港官方網上商店選購。

資料來源：公關提供

此篇文章由「體路 Sportsroad」最初發表於「ADIDAS與海洋環保團體合作五週年 推出ULTRABOOST DNA PARLEY聯乘系列」

【體路專欄】海鷗飛不起，總有佢道理。白禮頓今季英超表現浮浮沉沉，並唔係無原因。領隊樸達上任後積極求變，球隊比起以往更敢於喺後場透過地面組織策動進攻，不過，理想同現實往往係兩碼子嘅事，究竟係樸達希望實踐自己足球理念嚟設定球隊戰術，定係因應球員嘅能力，因人施陣嚟設定球隊戰術？絕對值得大家諗一諗。

陣式多變動 球員難集中

要數到白禮頓今季其中一個特點，當然係每場比賽嘅陣式都出入，甚至乎踢踢下比賽中途都會變陣。樸達要排出3人或4人防線，完全取決於佢將丹般擺喺左中堅定左後衛。陣式能夠靈活轉換本來係好事，但就算球員對唔同戰術幾熟練都好，落到場始終要因應當日自己、隊友同對手表現以至心理狀況作出調整，畢竟人唔係機械人，球隊進攻靈魂人物托沙同中場發電機梅爾較受變陣而影響佢哋發揮。托沙習慣踢左翼位置，喺左路向中間內切策動攻勢，若排出3人防線會移前踢前鋒，身型較單薄嘅佢難以抵擋後衛強大衝撞力；至於梅爾最理想係進攻中場，需要較大活動空間創造進攻機會，有時候因應陣式同戰術關係需要改踢左右翼，暴露咗佢突破能力較低及上落頻率較少嘅一面。

球員能力要認清 場上踢法要醒定

海鷗兵團現階段比起前領隊曉頓帶領嘅時候踼得更悅目，再唔係傳統英式踢法高Q大腳，不過，好睇還好睇，實唔實際就另一個講法。後防上登克、韋士打同丹般都係用波能力較強，中前場亦有哥斯、梅爾、托沙等。然而，最大問題就係連接兩者之間嘅橋樑—防守中場！呢個位置上有史提芬斯、普柏同比素馬，如果要講到用波能力，普柏會係最好嗰個，但有留意開白禮頓比賽嘅球迷，就會知道喺呢個位置上周不時都會出事，周不時都會送下禮（可參考圖6）。因此，若然要堅持由後場組織嘅法，個人認為4-2-3-1陣式會係最啱白禮頓，每個位置亦有適合人選競爭同輪換。

．後場大意交失波或者被對方迫失，對白禮頓今季嚟講真係老是常出現。

．面對對手高強度逼搶，後防都會堅持嘗試搓返個波出嚟。

場上表現同成績反映一切，球隊季內多次轉換陣式令球員難以適應，堅定不移嘅踢法有時候令球隊吃盡苦頭，樸達真係要喺現實同夢想之間作出一定嘅取捨，水深火熱嘅情況下都要搵出最佳搶分方案。下季仲可唔可以留喺英超比賽，就好睇下一場能唔能夠擊敗護級競爭對手諾域治，拎多3分，上岸機會就大大提升。

此篇文章由「體路 Sportsroad」最初發表於「【體路專欄】海鷗兵團要護級 搓傳踢法要留神」

【體路專訊】效力傑志5季的翼鋒費蘭度約滿後終有新動向，東方龍獅今日（1日）宣布簽入這名33歲巴西球員，是繼林嘉緯及盧卡斯後連續兩季第3位由傑志轉投東方的主力。

東方今午宣布簽入費蘭度，並指相信對方能加強前線攻力。以往曾在主教練李志堅麾下效力的費蘭度指，高興能故劍重逢：「東方陣中有昔日合作無間的戰友，也有場上強悍難纏的對手。過去我亦曾於主帥李志堅麾下度過美好時光，與對方可謂亦師亦友。日後無論對手是誰，我也定必竭盡所能爭取佳績。」將穿起7號球衣的他昨日完成由巴西回港後的14日隔離，但東方指會安排陣中外援先接受病毒檢測，確保沒受感染後，才會安排他們歸隊訓練。

33歲的費蘭度2013年中由巴西來港加盟公民，翌季轉投YFC澳滌並成為主力。表現出色的他其後獲傑志招攬，當季成為足球明星之一。費蘭度在17至18球季大放異彩，助傑志重奪聯賽冠軍兼殺入亞冠盃分組賽，自己則成為「四料足球先生」。為球隊共奪兩屆港超聯及銀牌、3屆足總盃、1屆菁英盃及聯賽盃後，費蘭度上月2日宣布約滿後離隊。他已居港滿7年，符合申領特區護照資格，預料不久將來可以本地球員身份披甲。

東方下午再公布兩名新加盟小將，包括上季效力和富大埔的鄭子森及愉園的亞歷斯祖。

文：麥景智

此篇文章由「體路 Sportsroad」最初發表於「【港超聯】費蘭度投宿敵東方 再做7號仔」