【體路專欄】運動後進食有助補充營養、修補肌肉、同埋促進身體恢復。
由於長跑後身體肝醣、脂肪同蛋白質都處於大量消耗嘅狀態，跑步後15至60分鐘內身體需要即時補給，蛋白質配以碳水化合物係最佳恢復組合，掌握營養比例為碳水化合物3：蛋白質1，碳水化合物可補回肝醣，蛋白質則有助修補受損嘅肌肉纖維。
多項研究已經指出朱古力奶係一個唔錯嘅選擇，佢完美嘅碳水化合物同蛋白質比例，最適合跑步後作出即時補充，如果練完跑煩惱飲咩，不防飲盒朱古力奶啦！
文：香港跑手屈旨盈
此篇文章由「體路 Sportsroad」最初發表於「【體路專欄】運動與營養 – 點解跑完要飲朱古力奶？」
【體路資訊】隨著本地肺炎疫情逐漸緩和，2020-2021香港棍網球球季亦重啟在即！香港棍網球總會（HKLA）今年獲得香港賽馬會慈善信托基金捐助，舉辦「賽馬會社區持續抗逆基金－眾樂樂棍網球計劃」，棍網球培訓計劃（Development Academy，簡稱DA）就是其中一個重點項目。
計劃分為兒童組、少年組、青年組、公開組，適合不同年齡人士及初學者參與。成為香港棍網球球員，除有恆常訓練，更有機會被挑選代表香港到外地集訓／比賽！
受惠於香港賽馬會慈善信托基金捐助，今季課程與往年有所不同，包括：1）所有參與此計劃的球員將獲發計計劃用具／用品包一份（包括：計劃証書、球棍、比賽背心、運動衣等）；2）符合資格之青少年，可向總會作資助申請費用減免；3）出席率達 80%以上的球員，將可獲全額退還報名費；4）公開組球員，將可免費參與由香港棍網球總會舉辦的棍網球指導員課程。
棍網球培圳計劃資料
對象：初學者或無經驗人士
目的：讓更多青少年及初學者能夠得到更完善的棍網球訓練，培訓一群能於將來代表香港 U19 棍網球代表隊，或銜接加入精英訓練計劃（HPP）的球員。
訓練費用：$600（季）
組別：兒童組（8-12歲）、男、女子少年組（12歲或以上）、男、女子青年組（12歲或以上）、男、女子公開組（18-25歲）
資料來源：香港棍網球總會
此篇文章由「體路 Sportsroad」最初發表於「棍網球培訓計劃Kick off 歡迎初學者報名」
【體路資訊】adidas自2012年起不斷研發嶄新的環保技術，目標在2024年將旗下所有產品由循環再造聚酯製成，並成為帶領行業源頭減塑的領軍者，同時鼓勵消費者響應「END PLASTIC WASTE」環保計劃，凝聚大眾力量以達致品牌可持續發展願景。
adidas Originals藉著今月推出THE CLEAN CLASSICS鞋款系列，將可持續發展元素注入運動潮流裝備貫徹環保時尚理念，並特意與本地設計品牌PHVLO 的設計團隊再度合作，聯同香港知專設計學院時裝品牌策劃及採購高級文憑的兩位畢業生Shawn及Charlotte，以環保及可持續性作藝術裝置主題，𢹂手打造adidas「THE CLEAN CLASSICS」環保村莊，於9月5日至9月25日期間在PHVLO的本地可持續發展基地PHVLO HATCH 2樓舉辦展覽活動，藉以促進大眾的環保意識。
「THE CLEAN CLASSICS」裝置藝術圍繞環保及可持續發展元素概念，利用回收重用的adidas Originals鞋盒砌成一間間大小各異的藍色小屋，底部設計從地形圖及網格狀結構汲取靈感，以多層次的斜坡作地基，打造出別具一格的「adidas環保村莊」，展示七對全新THE CLEAN CLASSICS鞋款。
裝置藝術增添了綠色植物元素體現城市與大自然的共融，配合由日本Suntory與Toyota共同研發的100%可分解Pafcal有機環保泥，以及利用經過高溫消毒的椰子纖維粉末，加工壓成磚狀的環保種植物料，致力提倡環保種植的重要性。
全新adidas Originals THE CLEAN CLASSICS鞋款系列現已上架； adidas 「THE CLEAN CLASSICS」裝置藝術將於9月5日至9月25日期間在PHVLO HATCH 2樓展出。
資料來源：公關提供
此篇文章由「體路 Sportsroad」最初發表於「adidas「THE CLEAN CLASSICS」 環保與藝術的結合」
【體路專訊】新型肺炎疫情從1月開始肆虐香港，至今仍未全面受控，本地體壇不少賽事及活動因而取消或延期。原定今年3月舉行的「國泰航空2019年度香港傑出運動員選舉」頒獎禮早前已多次延期，惟在第3波疫情下，中國香港體育協會暨奧林匹克委員會（港協暨奧委會）周四（3日）宣布頒獎禮將延至明年3月舉行，同時決定取消2020年度香港傑出運動員選舉。
有「香港體壇奧斯卡」之稱的傑運頒獎禮原定2020年3月24日在香港會議展覽中心大會堂舉行，惟2月時因疫情未受控制，港協暨奧委會決定順延至5月中舉行，但在疫情反覆下，即使頒獎禮屢次延期仍未能順利舉行。港協暨奧委會今日發出新聞稿，指在第3波疫情及政府採取的防疫措施下，未能在本年度內舉辦頒獎禮，因此決定推遲至2021年3月舉行。
由於疫情全球大流行，東京奧運會及三亞亞洲沙灘運動會均延至2021年舉行，加上2020年大部分國際賽事都相繼取消或延期，令運動員缺乏出賽、取得國際賽成績的機會，因此港協暨奧委會同時宣布取消2020年度香港傑出運動員選舉，至於「國泰航空2021年度香港傑出運動員選舉」將於2022年3月舉行。
港協暨奧委會自2001年接辦香港傑運選舉以來從未試過延期或取消，即使2003年遇上「沙士」仍如期舉行。今屆傑運早前已開始公眾投票活動，並已經在2月14日截止。
此篇文章由「體路 Sportsroad」最初發表於「【新型肺炎】傑運頒獎禮延至明年3月舉行 2020年度選舉取消」
【體路專欄】隨着政府慢慢開放部份戶外設施，各位球迷係咪急不及待想快啲開返足球場同籃球場呢？嗱嗱嗱，有啲嘢真係唔急得，好似千呼萬喚嘅FIFA 21咁，試玩版最快都要等到9月尾，10月頭先至正式開售。雖然暫時未有得玩住，不過，早前官方網站出咗預告片，我哋都可以望梅止渴，等我同大家介紹吓FIFA 21教練生涯模式比起上一集有咩唔同啦！
真正開始教練生涯模式之前，你可以喺財政接管按扭（Financial Takeover）大大增加球隊轉會費同人工預算（可參考圖2），最高可以選擇5億歐羅，絕對係人格大考驗！實行考下你有幾老實，想唔想試吓限米煮限飯嘅感覺，如果第一季就想砌到Dream Team嘅就容易好多。最後，喺董事會目標入面會有新要求，例如要求主場及作客分別保持不敗或連勝記錄等。
今集新增6個球探國家，包括阿爾巴尼亞、愛沙尼亞、立陶宛、拉脫維亞、摩爾多瓦、烏克蘭同威爾斯。此外，你可以睇到青訓球員逆足能力，效率同特質等資訊（可參考圖3）。今集青訓最吸引嘅地方係可以為青訓球員訓練新位置同踼法（可參考圖4），隨時隨地按照球隊需要，重點培訓你所需要嘅位置同戰術球員，分分鐘可以訓練幾個球星，再賣出去賺一大筆錢。
操作球隊轉會絕對係大多數玩家玩教練生涯模式嘅原因，今集絕對係遊戲商正面回應各大玩家一直嘅訴求。首先係球員外借情況，自家青訓產品喺首季升上一隊之後可以立刻外借或賣走。其次，如果你想從AI球隊借入球員，AI球隊會根據球員合約長度，球隊板凳深度及球員重要性決定借唔借，而且仲有機會要求玩家直接買斷，拒絕外借。第三，進行買賣轉會時候，你可以選擇先借後買條款（可參考圖5），非常真實！當然，AI球會向你球隊報價時，你都可提出換人交易（可參考圖6）。
除咗以上改變之外，上集教練生涯模式最屈機地方係免簽球員，即使球隊財政預算唔高，仍然可以價廉物美簽入完約球星。不過，今集呢招就未必行得通，AI球隊會主動為球員續約，提升免簽難度。最後，如果你想同宿敵球會進行交易相對較難，而球員亦唔太願意轉投較低組別聯賽效力，ONE CLUB MEN嘅球員更加唔使講，基本上係唔會轉會。所以，今集轉會增設更真實情景同投射咗球員情感，真係要花多少少時間先可以砌隊Dream Team出嚟。
上集透過訓練可以提升球員能力，今集呢方便已經唔再係咁簡單，你需要自己安排球隊訓練日程，例如球隊訓練日、恢復訓練日同休息日。球隊訓練目的係維持球員體能，士氣同比賽鋭度，因此，訓練日程會影響球員相關數值，對球員比賽總戰力有好大影響（可參考圖7。其次，球員個人訓練亦都新增訓練新位置（可參考圖8）、踢法、技術動作、逆足能力及進攻防守效率。
做咗咁多功夫，終於可以真正比賽。今集比賽前同比賽後都會有簡單記者會，而每位球員嘅反應亦會直接影響場上表現。另外，你可以選擇快進比賽，喺比賽任何時間隨時”JUMP IN”同”JUMP OUT”（可參考圖9），名副其實彈出又彈入。排陣方面，其中一個特點係如果你將球員位置錯配會影響總戰力，陣式上會有標誌彈出提醒（可參考圖10）。至於球員名字嘅能力顯示值旁邊會顯示戰力+/-（可參考圖10），例如90+5，90能力值嘅球員喺場上會好似95戰力球員。不過，你提升時AI都會提升，今集佢哋特別加強咗防守Mark人同剷波能力，同時亦提升AI球員進攻盤球同傳球能力。講到咁吸引，係咪好想即刻玩呢？諗吓好啦，繼續等多陣啦⋯⋯
此篇文章由「體路 Sportsroad」最初發表於「【體路專欄】FIFA 21新搞作 10月開賣有排撲」
