Posted on

【體路專欄】每個位置球員多 影響你有邊一個—中場

體路專欄,梁冠聽,足球,沙維
沙維絕對配得上「中場大腦」稱號。(Photo Credit: Xavi’s Twitter)

【體路專欄】上星期母親節,大家點樣同媽咪慶祝呢?定係備受外圍因素影響,難以慶祝?好多時候,我哋都要顧及身邊環境,四周圍隨時有事發生,敵人更可能四面八方一擁而上,情況就好似球場上中場一樣,一眼要關七,隨時迎接身邊任何挑戰。過去中場球員大概只會劃分進攻或防守,隨着時代進步,我哋所有嘢都要講求效率,令到中場球員分工上更清晰,但如此同時增加咗場上要兼顧任務,對球員能力要求有增無減,攻守兼備已經係最低要求。

體路專欄,梁冠聽,足球,沙維
圖2:沙維喺場上進攻同防守貢獻甚多,為巴塞隆拿贏盡無數錦標。(Photo Credit: Xavi’s Twitter)
中場:沙維

如果之前有睇【同一位置類型多 究竟你會學邊個——防守中場篇】嘅讀者就會知道防守中場有咩類型可以演繹,喺過去年代,防守中場最主要任務係攔截,淨係會諗住點樣搶波,其他場上工作並唔會太理會。不過,隨着沙維出現,具備極強傳波及控波能力,幾乎係防中嘅象徵。沙維基本上每場比賽傳球成功率達到90%或以上,經常利用出眾傳控球技術將嗰波喺困局之中轉化成進攻機會,加上出色護波及閱讀球賽能力,造就佢成為防線及前鋒線橋樑。正因如此,沙維為防守中場配上新定義,由集中防務工作演變成策動者,成為球隊攻守命脈。

.如此優雅秀麗輕易地避開對手,實在令人嘆為觀止。(Photo Credit: allas FCB Youtube Channel)

中場大腦 以佢為首

將防守角色加入進攻概念,可以話係非常前衛諗法,但諗深一層,沙維並無排除防守中場需要防守概念,只不過用另一個形式表達。由過去注重身體對抗性,埋身肉搏搶波,沙維透過聯繫身邊隊友,以最有效及節省體力方法進行逼搶,令球隊踢法變得更具團隊性,每位球員都需要分擔進攻同防守責任,單單能夠控制球隊攻守節奏,足以令防中變得更有價值。此外,沙維「獨具慧眼」Killer Pass技驚四座,好多時候能夠做出完美助攻傳送,我以為係能人所不能,種種因素結合一齊,足以令佢說服我成為最具影響性中場。

.由中後場移到中前場發動迫搶,正正係沙維對防中喺防務工作上作出嘅改變。{Photo Credit: adinoosm Youtube Channel)

.呢個情況喺遊戲世界要畫一條線做傳波好容易,但係真實要做得到絕非易事。(Photo Credit: Light House Youtube Channel)

沙維曾經講過:「足球係一個頭腦比賽,講求時間同空間轉換,利用最短時間,將個波運送到最有優勢地方。」的而且確,佢改變左世人對防守中場嘅定義,成為好多球員學習對象及目標,除咗球員自身技術、身體對抗性、心理質素等基本要求需要訓練外,思考訓練同為重要,腦海中必須多加模擬自己場上經常對應情況,從而更容易搵到最佳解決辦法,沙維用行動證明咗「用腦去踢波」係幾咁重要!

此篇文章由「體路 Sportsroad」最初發表於「【體路專欄】每個位置球員多 影響你有邊一個—中場