【體路專欄】受到肺炎疫情影響，全港健身中心關閉14日又14日，28日關閉令導致不少從業員即時加入「零收入」大軍，其中90後女教練Rainie在逆境下發揮打不死精神，一個人加一個粉紅色行李箱，推出外賣式健身服務，成為市面上罕有的「流動健身室」。
24歲的Rainie成為全職健身教練未夠半年，便要面對所屬健身中心需要停業14日的壞消息，難免不知所措，難得她仍然充滿正能量，「我係一個Focus喺解決方法嘅人，比較少Focus喺問題上，第一時間諗我可以做啲咩。我本身係一個好新嘅教練，未經歷過旺季淡季，入行到呢家都唔係一個好好嘅環境，所以一出14日關閉令，第一時間諗，我可唔可以以將Gym嘅元素搬出去外面呢？」
當初Rainie有想過在公園或海濱長廊和學生一起做運動，後來想到戶外做運動需要戴著口罩，以及面對日曬雨淋的問題，「學生辛苦之餘，自己又要拎住20KG嘅健身用具走來走去，既然大家咁辛苦，有咩方法可以解決到呢？」小小的行李箱內藏一對5.5KG的啞鈴、2KG沙包、橡筋帶、TRX、按摩槍、瑜珈墊，加上因應衛生問題，也齊備酒精、消毒磋手液等用具，總重量加起來差不多20KG，對一個女生來說相當吃力。
後來想到，只要學生家中的客廳有足夠地方容納一張瑜伽墊，便可以進行一對一私人訓練，「作為一位專業教練，我好Focus去幫學生Keep住做運動嘅習慣，（外賣式健身服務）比平時喺健身中心花更多人力物力資源及時間，得到回報差好遠，但呢個唔係我首要Concern，學生好辛苦去Build Up做運動嘅習慣，只要佢地想做運動，我都想幫佢Keep！」
筆者對Rainie這種逆境自強的個性很佩服，在訪問中多次大讚她的想法頗新穎，Rainie也直言，無論發生什麼事也好，也要想想解決方法，「呢個大環境令我地工作有好多阻礙，但同時有好多機會，永遠從另一個角度諗，都會搵到出路」！
從事理財財務策劃的Kevin一向有一星期做三日運動的習慣，不是外出踢足球便是跑步，但因疫情影響下運動次數減至零，最近他有跟從Rainie做運動，認為外賣式健身服務比較貼心，「喺家中一對一健身唔使同人迫，比較安全，又無人喺旁邊睇住，無咁緊張」。
至於美容院接待員Charlie一星期訓練四天，其中2月開始兩天跟從Rainie健身，兩天在家中自行訓練，對14日關閉令感到失望，「難得自己第一次咁有恆心做運動，Rainie佢係一個好有感染力既人，我由零運動習慣，變成一星期做四日運動，到呢家諗到直接上去我屋企train我，絕對唔係因為錢，純粹係覺得我好勤力唔想因為咁而放棄我」。
文：邱益忠
此篇文章由「體路 Sportsroad」最初發表於「【體路專欄】業界疫境自強 90後教練推出外賣健身服務」