【體路專欄】王元龍和Mina這對情侶健身教練，和其他從業員一樣，在14日停工令下首嚐人生第一次「零收入」。
高峰期每天為9位客人提供一對一教練課程的王元龍表示，每年年尾一般是健身業淡季，不少客人放假去旅行，「通常等新年後旺季返來，因為疫情關係，收入比平時跌七成，（14日停工令）更加令收入無晒。」他嘆言：「雖然學生係預繳費用，但我都要預繳租金比健身場地，呢家全部學生上唔到堂，變相係白比租金。」
Mina 近年一直發展自己的雙線職業生涯，除了是一位女教練外，也是一位知名的婚禮化妝師，「主要做婚禮化妝，好多新人都改期，本身三月係傳統旺季，呢個月做10單生意好平常，但呢家係零；至於健身行業亦面對同樣情況。」
接受訪問期間，深情的王元龍不忘讚賞女友的雙線經營職業生涯策相當聰明，可惜依然不敵疫情。聽到男友的甜蜜讚賞，靦腆的Mina解釋，原本雙線發展是為了保持全年旺季，「本身化妝界喺冬天係旺季，健身界係淡季，到夏天時健身界係旺季，化妝界係淡季，咁我本身諗住全年係旺季，唔停咁做嘢。但呢家喺香港有幾樣技能都係會死嘅，所以要再諗方法轉型！」
14日關閉令讓王元龍及Mina 除24小時陪伴對方外，也反思如何疫境自強。他們不斷添置健身用具，包括TRX、橡筋帶、踏腳機等，並開設youtube channel，期望可以發展網上教學。
此篇文章由「體路 Sportsroad」最初發表於「【體路專欄】健身界疫境自強 – 80後情侶轉型當Youtuber」