分類: 體育快訊

【體路專欄】等咗好耐，港超聯賽事終於開放俾球迷入場！作為球員坦白講感覺有啲陌生，話晒真係好耐無試過喺球迷面前踢比賽。而有球迷入場嘅感覺就好似……你無見一個朋友10幾20年，一見返大家都唔使講嘢所有回憶都湧現出嚟，就係呢種感覺，真係好正。

踢波總會有過錯 尋求解決無得拖

自從足總（香港足球總會）宣布容許球迷入場後，電話好耐無出現嘅留波飛訊息不停彈出嚟。去到比賽當日，其實去到熱身同出場前一刻先再次意會到：「啊，原來今日有球迷！」今場比賽我繼續踢中堅位置，比賽頭10分鐘我哋尚算主導形勢，正當準備入局之際，對方兩次突如其來半解圍長傳，自己對落點預判出現誤差及身體對抗輸蝕情況下，間接令對手得到兩次進攻機會，好彩隊友幫忙化險為夷。成場比賽流流長，總有啲時候出現犯錯，問題在於能唔能夠即時搵出解決辦法。其後成場比賽我再無出現同類型犯錯，完場一刻除咗同自己講句well done之外，感受到自己又再成長咗少少，因為我喺比賽裡面搵啱解決方法，又可以記錄在案，日後作為參考例子。

經驗球員比青年球員場上表現更具穩定性，因為佢哋跌得多碰得多，過去嘅沙場經驗話俾佢哋知危機四伏之餘，更加話咗比佢哋知應該點樣拆解危機。人生入面你的而且確可以失敗好多次，比起願意失敗，我認為勇敢面對失敗係更重要。當你鼓起勇氣面對自己錯誤，面對自己不足之處，你會發覺其實好難受，好想逃避。但係只有你直接正視過錯或弱點，先可以搵到解決辦法，杜絕重蹈覆轍。

此篇文章由「體路 Sportsroad」最初發表於「【體路專欄】港超球迷有波睇 球員表現唔會曳」

【體路專欄】好慶幸自己住大埔，有好多地方可以跑，大埔海濱公園，吐露港和科學園係我最常跑嘅路線。

沿住林村河一直跑到大埔海濱公園，園內有不少小徑，鍾意喺入面兜上兜落又得，沿海濱跑到吐露角亦得，慢慢跑唔經唔覺來回就跑咗~6km。

大埔海濱公園嘅另一邊係路面闊而平坦嘅吐露港–我最常晨跑嘅路線，清晨望住吐露港日出，由大王爺廟出發，沿吐露港和白石角海濱長廊一直跑到科學園 （~4.8km），經過馬料水碼頭跑到孖橋（~8km），要跑長距離可以選擇轉右跑去沙田（~10km）或轉左馬鞍山（~12km），想跑吓斜路可以跑去梅子林，唔怕無路跑，沿途有洗手間，人有三急都唔驚。

有時跑直路跑得悶，會跑去大尾篤，由屋企出發經過一些小路，再沿汀角路跑到大尾篤巴士站（~8km），沿途路較窄、多彎和偏靜，跑嘅時候要小心，如想挑戰自己可以沿新娘潭路繼續往上跑練斜路（美津濃半馬比賽部分路線），跑夠就折返，帶定錢太攰可以搭巴士返屋企。

文：香港跑手屈旨盈

此篇文章由「體路 Sportsroad」最初發表於「【體路專欄】我經常跑的推薦路線」

【體路專訊】ASICS首個虛擬接力比賽ASICS World Ekiden 2020精彩環節一浪接一浪，賽事先破天荒集合全球跑手以隊制形式接力完成全馬拉松，現更混合ASICS精英運動員及從ASICS Running Club中挑選出來的出色跑手組成兩隊出戰，進行「ASICS運動員 x 跑手Battle」。

Battle將分成上下半場進行，每隊其中3位將分別於11月14日（本周六）及11月21日（下周六）早上在不同地點同時展開激鬥，ASICS 社交媒體將會全程緊貼動向，屆時定必擦出不一樣的火花，體驗驛站接力賽的體育精神！

「ASICS運動員 x 跑手Battle」中兩隊成員均由三名ASICS運動員與三名 ASICS Running Club跑手組成。Team A由隊長ASICS Running Club教練徐弘泰（Winter）帶領出戰，組員分別是以中至長距離跑為專項的ASICS運動員王健進（Ken）與陳穎彤（Rachel）、ASICS Running Club跑手Kelvin、Fred及Ka Ho。Team B則由香港三項鐵人代表隊成員余承謙（Mark）為隊長，帶領同為現役及前香港代表隊成員蔡欣妍（Hilda）和羅亮添（Tim），ASICS Running Club跑手魚蛋、陳粒及Nono組成一隊。兩隊勢均力敵，精彩角力賽即將上演，跑手全力爭創PB（個人最佳時間）！

受疫情影響，所有大型體育賽事都紛紛延期或停辦，甚或連團體訓練也被迫變成在家訓練。因此，一眾跑手都對即將舉行的虛擬接力跑World Ekiden 2020寄予厚望，既能感受團隊奮力向共同目標前進的振奮，又能再次體驗比賽的快感。

為迎接ASICS首個虛擬接力跑World Ekiden 2020，同名系列EKIDEN TENKA同期上市，系列包括賽跑鞋款TARTHEREDGE 2 TENKA，屆時一眾運動員及跑手亦會穿著此鞋款迎戰。鞋款以日本戰國時代的接力跑手為設計理念，鞋跟及鞋墊印有戰國時代的武士頭像，並在左右鞋墊上分別印有TENKA的日本漢字：「天下」及「点火」，勢要燃起跑手的雄心壯志。

鞋款沿用以往大受好評的FLYTEFOAM PROPEL材質及PROPULSION TRUSSTIC技術，為跑手提供舒適度及極佳回彈力；令你在比賽踏出的每一步都更穩定流暢，發揮水準！

資料來源：公關提供

此篇文章由「體路 Sportsroad」最初發表於「「ASICS運動員 X跑手BATTLE」周六爆發  TARTHEREDGE 2 TENKA火熱上架」

【體路專欄】上面圖表用來對應功率及完賽時間，Target Power為瓦數與體重的比例。例如：你體重60kg， 你用180watt去跑，Wattkg就係 180÷60 即係3.0。那你用180watt去跑，就可以57：47完成10km，這個10km是以平路去計算。

你或許會有個問題，為何不用配速？因為如果當條路有上斜，你配速應該如何處理？有咗Stryd，你就可以跟隨watt數去跑，就可以保持應有輸出，唔會太爆，唔會太慢，剛剛好將自已用盡。之不過，注意跑步經濟性亦會有影響。

我們留待下篇專欄再討論。

此篇文章由「體路 Sportsroad」最初發表於「【體路專欄】Stryd跑步功率計教學 #3：以功率取代配速」

【體路冷知識】為推廣帆船運動，將這項老少咸宜的水上運動推廣給市民大眾，香港遊艇會特別於《體路》，推出一系列「運動冷知識」，將相關於帆船運動、卻又可能比較少人知曉的知識，以趣味方式和大家分享。《見字「遊」水》欄目逢周三會與大家見面，記得留意！

疑幻似真的比賽航道

與跑步比賽不同，帆船比賽鮮有一條明確的跑道，除無形的起航綫與終點綫，賽會一般會在賽區水域佈下幾個浮標，規定船隻從起航線出發後，如何依次繞過浮標，便成為帆船運動員的「跑道」。

此篇文章由「體路 Sportsroad」最初發表於「【見字「遊」水】比賽航道其實係點睇？」