分類: 體育快訊

【體路專訪】距離東京奧運還有5個月，但如期、減人、閉門還是取消的消息依然滿天亂飛。縱使國際奧委會（IOC）早前推出一系列防疫措施手冊，7月23日的奧運似乎如箭在弦，但運動員仍然要在眾多未知中備戰，心理壓力之大旁人未必能深切體會。《體路》請來運動心理學家盧綽蘅（Karen），與大家談談這班已取得奧運資格，或正爭逐入場券的港將所面對的無形難題。

自去年初新型肺炎全球大爆發以來，體壇一直大受影響，短短兩個多月更令東京奧運歷史性延期一年。不過一切未知未因而消失，反而在300多日後的今天，未完成的資格賽仍未重新開始，奧運亦未知能否真的如期舉行。以往曾是香港游泳代表的Karen指，運動員在備戰奧運時本身已會遇到成績上的壓力，現時再面對取消與否的未知以及禁閉式訓練，倍添心理壓力。

體院由去年3月起已先後三度實施「封院令」，因應疫情嚴禁在內訓練的運動員自由進出，同時亦有全職港將選擇在外繼續訓練。Karen指一眾選手在這個情況下大致會遇到3大心理問題：「首先長期困在『bubble』內代表不能見到家人朋友，又或者選擇留在外面的運動員又不一定和家中關係太好，長期相處又變相是另一種壓力。第二就是體院內的生活比較苦悶，即使可以在院內到處走動，但始終留得久也會壓抑。最後就是體院可能有些職員要『WFH』，對運動員的支援或會減少，同時運動員又未必肯去找心理支援。」

 

早前Karen與跨欄運動員呂麗瑤等出席本網《隔離有節目》，後者亦有提及在體院內40多日後情緒已非常低落，「可能外人覺得他們起碼能『有得郁』，但『有得郁』不代表心理沒有影響。」Karen指運動員在體院禁閉式只練不賽的心理狀況，與平常受傷甚至與心理學家Elisabeth Kübler-Ross提出的「哀傷五階段：否認、憤怒、討價還價、沮喪、接受」的情況類似：「即使沒有否定疫情的發生，但到正式重投訓練時都會擔心狀態會否下滑，或再拖一年的情況會是如何、有沒有奧運和能否去奧運等。」她解釋這些過程均需要時間過渡，但長短則因人而異。

美國史丹福大學與運動應用程式Strava在去年8月訪問131名職業運動員，當中近半為跑手，亦有單車手及三項鐵人等。研究結果顯示，每5個運動員中就有1人反映因心理健康、動力及疫情令運動變得困難。在實施疫情相關的限制之前，只有3.9%運動員會每星期有超過一半日子情緒低落，但在疫情期間就上升近6倍至22.5%；感到緊張或焦慮的運動員亦由4.7%上升至27.9%，同時受訪運動員中有71%表示疫情期間擔心財政問題。Karen指調查反映疫情與運動員心理健康問題息息相關，較幸運的是體院運動員因有資助令財政上相對穩定。

至於如何解決或舒緩壓力問題，Karen建議運動員在面對現時的未知時，可先嘗試學習一個議題：「其實我們每日都會遇到很多不確定，甚至出街過馬路也不知會否被車撞。所以我覺得今次是一個好機會，讓我們反思生活為何要需要這麼確定、是否所有事都要完全控制？」其次是認清有甚麼事觸發自己有負面情緒反應，然後便自然會找到解決方法：「例如是在社交網站看到太多奧運或疫情的新聞導致不安感的話，可以嘗試循序漸進地減少，或設鬧鐘提醒自己要停止等。」

還有最後一個、也是非常重要的建議，有聽過陳奕迅其中一隻經典歌曲《Shall we talk?》嗎？對，也就是多些找人傾談，當然運動員身邊的教練亦應該與選手更多溝通。畢竟鈴聲可以寧靜，難過卻避不過，如果沉默太沉重，別要輕輕帶過。

圖、文：麥景智、李子正

此篇文章由「體路 Sportsroad」最初發表於「【東京奧運】面對未知的備戰 運動心理學家盧綽蘅解構運動員壓力」

【體路專欄】今年筆者特地邀請「阿軒的籃球天地」粉絲專頁版主張鼎軒（下稱軒仔）的明星賽心選，皆因筆者深知軒仔對NBA見解有其獨特性，每次撰文也有一定粉絲支持，如果在十年前，以軒仔的能力，要成為其中一本台灣雜誌NBA的專欄作家一點也不難。可惜在今時今日，不要說NBA雜誌快將成為歷史文物，連報章及網媒也縮減人手，又有多少位置讓新一代人上位呢？

西岸明星隊：
Rudy Gobert （爵士，13.3分＋13.4籃板）
Nikola Jokic（金塊，26.8分＋11.8籃板＋8.6助攻）
Karl-Anthony Towns（木狼，22分＋12.5籃板）
Luka Doncic（27.2分＋9.6助攻＋8.9籃板）
Demar Derozan（20.1分＋6.6助攻）

東岸明星隊：
Trae Young（鷹隊，26.6分＋9助攻）
Bradley Beal（巫師，34.8分＋4.6助攻）
Julius Randle（紐約人，22.6分＋10.9籃板）
Domantas Sabonis（21.6分＋12籃板）
Joel Embiid（76人，28.6分＋11.1籃板）

---

邱益忠：我發覺我同你撞咗兩個心水啵，軒仔！Rudy Gobert同Nikola Jokic！
張鼎軒：係呀，真係估唔到你揀Gobert，點解Gordon你會選呢兩位呢？

邱益忠：我選Rudy Gobert，係因為今年佢被人批評為「兩億水貨」，甚至成為湖人名宿O’neal嘅大力批評對象。但個人覺得，爵士作為小市場球隊，願意比一份5年2億美金嘅合同，絕對係一個大鼓舞。Rudy Gobert係法國隊主力同上年入選明星賽，封波能力一向穩陣，加上入行八年未射過一次三分波，係聯盟極少有嘅純種藍領中鋒，佢高薪留低，對爵士嚟講係有力奪冠嘅保證。
張鼎軒：咁你覺得Gobert值4,000萬美金一年？

邱益忠：爵士覺得值就一定值，比錢係爵士唔係其他人。當然要我老實講，Gobert年薪比較合理係喺2,500萬一年到3,000萬一年左右啦。係啦，我又想知你點解選Nikola Jokic？
張鼎軒：其實係開季既時候，金塊陣容磨合不佳，好多球員都幫唔到手。係孤立無援嘅情況下只有Jokic 獨力支撐，令到佢球場判斷力比上季更上一層樓，甚至有機會以場均28分嘅姿態問鼎MVP！咁你呢Gordon？

邱益忠：我選Jokic最主要原因佢嘅技術層面係現今中鋒最犀利，感覺係配上助攻同策劃視野嘅Dirk Nowitzki！但…點解你會選Towns呢？
張鼎軒：Karl-Anthony Towns係其中一個經常比人忽略嘅基石球員，講真一句，有Towns就有灰狼隊，無Towns就哈士奇。

邱益忠：哈哈！明白明白。我就選咗火箭Christian Wood，佢有少少似當年TMac一由速龍轉會到魔術時，即刻由一個無人關注嘅五線球員，變為明日之星，而且要留意未喺James Harden轉會前，Wood已經有呢個好表現！6呎10吋高，有外線有步法，勁好J！
張鼎軒：係幾好J㗎！可惜佢上一場傷咗……

邱益忠：唉，受傷大家都唔想，不過，我就估到你果然會選Luka Doncic，話說當年因為你喺Doncic未打NBA前已經深度分析佢會成為NBA球皇，就係個篇文同段片令我同你成為朋友。
張鼎軒：果時真係比較花時間去研究NBA新秀，好多野要前輩們多多指教。Doncic今年防守勁咗，獨行俠外線又差咗好多，又係獨挑大樑嘅球員，咪投比佢囉。

邱益忠：明白明白，咁選馬刺Demar Derozan嘅原因係？
張鼎軒：馬刺轉為以年輕人作核心的球隊，Derozan喺球風同球權今年有大轉型，更加公正無私同毫無怨言，效率又提升咗，單係咁就足以入選全明星啦！唔好笑我選Demar Derozan，你咪又係盲選Stephen Curry！

邱益忠：擺明啦！作為超級Fans，我只能講Curry改變全球籃球員打法，令到任何人都要識射三分波，可以話係前無古人。但又好諷刺，Curry又未做到主罕NBA嘅地步，佢未有大帝LBJ個種霸氣，好想Curry可以贏多一兩次冠軍，證明自己！
張鼎軒：不過之前聽你講你唔係好憎Chris Paul咩？今次點解破例選佢？

邱益忠：確實我唔算係CP3 Fans，但好佩服呢位老油條去邊隊就令邊隊升Level，而且佢屬於比較傳統、以助攻為樂嘅嘅Point Guard，買少見少啦！你試下如果有新仔只傳波而減少起手三分，會唔會比教練狂炳？
張鼎軒：講完西岸講東岸，我就選咗我好中意嘅Trae Young同Bradley Beal，Trae Young唔多講大家都知道佢「買犯」同進攻能力又提升咗，Bradley Beal長期得分榜第一名，雖然巫師長期輸波，但佢嘅得分能力值得肯定嘅

邱益忠：其實我都中意佢兩個，但我想玩冷門，選咗Collin Sexton同Fred Vanvleet，前者上年我以為只係水貨，但無諗過佢一打一能力好強，嗰場對網隊嘅比賽，完全征服咗我，好有少年出英雄嘅熱血Feel，希望唔係一季行情啦！至於Fred Vanvleet喺2019年決賽打爆我愛隊勇士，初時諗緊會唔會曇花一現，但最近以73.9%命中率射入個人生涯新高54分，同時成為速龍史上最高得分球員同落選選秀最高得分球員，令我諗起當年活塞名宿、2004年FMVP嘅Chauncey Billups，兩個人打法都係實而不華。
張鼎軒：講到實而不華，不得不提溜馬Domantas Sabonis，事實上，Sabonis係我所有選嘅球員中，表面數據有進步，但進階數據稍跌嘅球員。因為溜馬新教練Nate Bjorkgren上任後採取更激進嘅攻防戰術，而Sabonis喺進攻方面嘅責任大幅增加，擋拆、低位單打、策應傳導嘅戲份亦大大增加，因此我選Sabonis算對他嘅一種支持，希望佢打得更好啦！至於紐約人Julius Randle嘛，呢位前湖人小將已經成為紐約人攻防兩邊不可或缺嘅球員，比你選嘅Gordon Hayward有過之而無不及囉！

邱益忠：等等先，其實我都唔係美國隊長嘅Fans，初時都覺得黃蜂比成三千萬美金，仲要簽4年，以為籃球之神Michael Jordan又入錯貨。但美國隊長真係一個好好嘅明星級團隊成員，佢可以幫助年輕隊友喺新式籃球下，Clint Capela呢類射程短、無三分能力嘅傳統中鋒好難出頭，上年被火箭扔去鷹隊，以為職業生涯係咁先，點知入到一隊需要佢超強防守能力嘅球隊。唔敢講佢已經同鷹隊名宿Dikembe Mutombo同一個Level，但愈睇愈似！
張鼎軒：我選Joel Embiid係因為佢係明星嘅層面上再進步咗，換咗教練後三分穩定咗更開發埋中投嘅能力，令76人戰績好睇好多，無理由唔選佢啦！係呢，咁多明星球員偏偏唔選，點解Gordon你會選Kevin Durant嘅？

邱益忠：選Kevin Durant始終覺得佢受傷後復出依然打到明星級表現絕唔容易，如果只講中距離同得分手段，可以話係天下第一人。但要贏到大帝LBJ，最起碼贏多兩三次冠軍，都唔係一件易事！呢次訪問非常好玩，大選擇嘅明星球員八成唔同，而筆者年紀年過三十，不時講某某新球員有退休球員嘅影子，真係老啦。希望下次再次同「阿軒的籃球天地」交流NBA比賽心得！軒仔亦係一個謙遜有禮、願意學習嘅年輕人，希望將來會有媒體搵佢做專欄作家！

文：愛情運動公關gor邱益忠（AASFP運動公關、NBA專欄作家）、張鼎軒（阿軒的籃球天地）

此篇文章由「體路 Sportsroad」最初發表於「【體路專欄】NBA明星球員心水」

【體路專訊】為鼓勵本地乒乓球訓練機構培養及發掘更多香港乒壇明日之星，香港乒乓總會今年增設「星級球會計劃」，以推動本地青少年乒乓球發展。首批獲乒總認可的球會共有4間，分別是香港體育乒乓球會、精薈體育、乒域乒乓球會及超越乒乓球訓練中心。4間獲認可球會將有特別權利，以更有效推動本地青少年乒乓球發展。

「星級球會計劃」原訂2020年推行，惟在新型肺炎疫情下延期至2021年才生效。4間獲認可的星級球會將享有特別權利，當中包括每年可推薦1名在U15排名榜內前100位之男或女球員參加青少年隊甄選，如被被推薦的學員成功入選香港青少年隊或成為香港體育學院“中學生運動員類別一”的球員，有關球會更可獲得獎金，這無疑能夠推動本地各球會走向更專業，令未來本地乒壇水平進一步提升。

作為香港前乒乓球隊成員，容朗展退役後繼續為香港乒壇培訓新力軍，在2006年成立「香港體育」，在本地推廣乒乓球運動。過去培育過黃鎮延、李皓晴等一眾現役港隊好手，經過多年的努力，香港體育乒乓球會成為首批獲乒總認可的星級球會，對此容朗展表示：「這個計劃是對球會的認同，證明我們過去的努力是正確，亦能鼓勵我們繼續為香港乒壇作出貢獻。」容朗展指出要成為星級球會，在場地設施、教練師資、學生比賽成績等各方面均要達標，因此他認為「星級球會計劃」能夠推動業餘球會進一步走向專業化，令香港乒乓球整體水平逐漸提高。

另一獲乒總認可的精薈體育同樣由前港隊王晶於2009年創辦，過去10餘年間亦培育出不少明日之星，她認為能夠獲得認可，是球會學生、家長以及教練共同努力下的成果，證明球會對香港乒乓球發展有所貢獻。王晶表示精薈體育未來會繼續努力，為香港乒乓球的未來培養更多有潛質的新力軍。

至於乒域乒乓球會的負責人翁震星雖然並非前港將，但球會有2002年贏得亞運會乒乓球混雙金牌的張鈺擔任技術顧問，同樣培育出不少出色的年輕新一代球員。對於能夠獲乒總認可成為星級球會，翁震星坦言是一大推動力：「成為星級球會不單可以在球壇內大大提升知名度，更能夠獲邀參與總會舉辦的活動，及優先報名參加總會主辦的賽事，令到更多人可以接觸及認識球會，對球會推廣乒乓球活動受益匪淺，也令我們有更大動力去推動香港乒乓球運動發展。」

首批最後一間星級球會超越乒乓球訓練中心由楊炳昭創辦，雖然少時未能晉升至港隊成員，但他通過對乒乓球的熱愛，積極培養年輕乒乓球手。他坦言獲乒總認可屬驚喜收穫，這個星級球會的名譽亦為他帶來動力、信心與責任，推動他未來繼續努力，發掘更多乒壇明日之星。

此篇文章由「體路 Sportsroad」最初發表於「【乒乓球】乒總增設「星級球會計劃」 4間獲認可球會：推動我們繼續培育乒壇明日之星」

【體路專訊】足總今日（12日）公布，因新型肺炎第四波疫情而暫停逾兩個月的職業足球聯賽將在下周六（20日），由菁英盃分組賽揭開復賽序幕。足總指詳細賽程將在場地落實後正式公布，同時宣布高級組銀牌、足總盃及預備組聯賽將會取消。

足總今日發新聞稿，指一直與政府緊密溝通，剛接獲相關部門通知允許港超聯於符合防疫衛生指引的情況下復賽。復賽將於下周六（20日）舉行，首4場將是菁英盃分組賽。復賽賽事會在旺角大球場、香港大球場、小西灣運動場及將軍澳運動場閉門上演，惟將軍澳運動場因緊急維修而未能於3月7日前使用。足總指詳細賽程及相關細節將有待場地落實後正式公布。

另外，足總正式宣布由於賽期已不足夠應付餘下賽季的所有賽事，「2020-21年度香港足球總會高級組銀牌賽」、「2020-21年度足總盃」及「2020-21年度預備組聯賽」將會取消。

港超聯自去年12月5日的足總盃分組賽確定延期後一直未能比賽，終於到本月2日可以在賽馬會傑志中心（傑志）、將軍澳足總訓練中心（東方龍獅、理文、晉峰）、香港仔運動場（冠忠南區）、九龍灣公園球場（愉園、標準流浪）及天業路公園球場（天水圍飛馬）復賽。球隊須嚴格遵守衞生標準，包括職、球員除操練或比賽外要進行家居隔離、安排點對點接送及接受定期檢測等，足總將加強監察和定期抽查，違規者所屬球隊會整隊被罰停賽。與此同時，所有進入場地人員亦須使用「安心出行」應用程式記錄行蹤。

此篇文章由「體路 Sportsroad」最初發表於「【港超聯】初一喜訊！職業波下周六復賽 菁英盃響頭炮」

【體路專訊】早前因日前公開發表涉嫌歧視女性的言論的森喜朗，今日（12日）宣布辭去東京奧運組委會主席一職，以平息民憤，盛傳日本奧運大臣橋本聖子有望接任。

2014年出掌東奧組委主席的森喜朗出席聯席座談會，他在會議一開始就對歧視女性的言論謝罪：「這次因為我的不當發言引起了很大的混亂。給大家添麻煩，今天我辭去主席職務。」這位83歲日本前首相又稱：「如果我的存在成為東京奧運會的障礙，還是離開為好。」據日本傳媒透露，前日本足球協會前主席川淵三郎拒絕接任，隨後出現了日本奧運大臣橋本聖子成為繼任人的方案。

森喜朗周三（3日）出席日本奧委會線上會議時提到：「如果理事會有太多女性的話，會議的時間肯定要長多了，必須規限發言時間。」此番涉及性別歧視的言論搞惹起極大爭持，日本國內批評之聲不斷持續及發酵，首相菅義偉、國際奧委會等作出嚴厲譴責，逾400名志願者請辭，東京都合知事小池百合子更退出下周與IOC的四方會議。最終森喜朗今日引咎辭職。

此外，據日本《共同社》報導，東奧組委會將於今年春天決定奧運會觀眾人數上限，奧運測試賽在4月重啟，至5月為止預計舉行的奧運及殘奧會項目共有18場賽事。

此篇文章由「體路 Sportsroad」最初發表於「【東京奧運】森喜朗辭任組委會主席 為歧視女性言論謝罪」